Лондоннинг «Арсенал» клуби афсонавий собиқ футболчиси Тьерри Анри Мадриднинг «Реал» жамоаси Чемпионлар лигаси доирасида «Манчестер Сити»га қарши кечган баҳсдаги (3:0) иштироки ҳақида ўз фикрларини билдирди.
«Қаймоқранглилар» барча муаммоларга қарамай, 1/8 финалнинг илк учрашувида «шаҳарликлар»ни ишончли тарзда мағлуб этишди. Ярим ҳимоячи Федерико Вальверде фаолиятида илк бор хет-трик қайд этди.
«Реал» либоси нимадан тикилганини билмайман. Бу қандай содир бўлишини ҳам тушунмайман, лекин улар Чемпионлар лигасида ўйнаётганда шунчаки ўзгариб кетишади. Эҳтимол, агар мен ҳам шу либосни кийсам, бошимда яна сочлар ўсиб чиқар», — дея мадридликларнинг ёрқин ғалабасини муҳокама қилаётган Анри CBS Sports студиясида ҳазил аралаш фикр билдирди.
Эслатиб ўтамиз, ушбу қарама-қаршиликнинг жавоб ўйини 17 март куни «Этихад» стадионида бўлиб ўтади.
