«Тоттенхэм» ҳужумчиси Муҳаммад Кудус фаолиятини «Атлетико»да давом эттириши мумкин.

Topskills Sports UK нашрининг маълумотларига кўра, ҳужумчи Мадрид клуби билан 4,5 йиллик шартнома борасида яширинча оғзаки келишувга эришган. Агар «Тоттенхэм» жорий мавсум якунида Англия Премьер-лигасини тарк этса, «Атлетико» раҳбарияти ганалик футболчини шу ёзда қўлга киритишига тўла ишонмоқда. Кудуснинг ўзи ҳам «матрасчилар» лагерига ўтишга қизиқиш билдирмоқда.

Муҳаммад 2025 йилда «Вест Хэм»дан «Тоттенхэм»га 63 миллион евро эвазига ўтган эди. Унинг лондонликлар билан шартномаси 2031 йилнинг 30 июнига қадар мўлжалланган. Жорий мавсумда ҳужумчи «шпорлар» сафида барча турнирларда 26 та ўйинда майдонга тушиб, 3 та гол ва 6 та голли узатмани амалга оширди.