"Реал Мадрид" бош мураббийи Альваро Арбелоанинг клубдаги келажаги номаълум бўлиб қолмоқда.

TopSkills Sports UK нашрининг маълумотларига кўра, агар "қаймоқранглилар" унинг қўл остида Чемпионлар Лигаси 1/8 финали доирасида "Манчестер Сити" тўсиғидан ўта олмаса, Мадрид клуби мутахассисни истеъфога чиқаришга тайёр. Мураббий вазиятдан хабардор ва унинг келажаги айнан "шаҳарликлар" билан бўладиган қарама-қаршиликка боғлиқ эканлигини тушуниб турибди.

Эслатиб ўтамиз, "Реал" ва "Манчестер Сити" ўртасидаги 1/8 финалнинг дастлабки учрашуви бугун, 11 март куни Мадриддаги (Испания) "Сантьяго Бернабеу" стадионида бўлиб ўтади. Жавоб ўйини эса 17 март куни Манчестердаги (Англия) "Этихад" стадионида ўтказилади.