«Реал Мадрид» ўз майдонида «Манчестер Сити»ни 3:0 ҳисобида мағлубиятга учратиб, Чемпионлар лигаси чорак финали сари катта қадам ташлади. Одатда юқори сермаҳсуллик кўрсатмайдиган ярим ҳимоячи Федерико Вальверде бўлиб ўтган учрашувда хет-трик муаллифига айланди.

«Реал» стадионига жамоанинг собиқ футболчиси ва мураббийи Зинедин Зидан ташриф буюрди. У Вальверденинг учта голига ўз муносабатини билдирди.

«Мен Федерико Вальверде учун жуда хурсандман», — деди Зидан. Унинг сўзларини The Touchline нашри келтирмоқда.

«Реал» навбатдаги ўйинини шанба куни, 14 мартда ўз майдонида Испания чемпионати доирасида «Эльче»га қарши ўтказади. «Сантьяго Бернабеу»даги баҳс Тошкент вақти билан тунги соат 01:00 да (якшанбага ўтар кечаси) бошланади.