«Real Madrid» o‘z maydonida «Manchester Siti»ni 3:0 hisobida mag‘lubiyatga uchratib, Chempionlar ligasi chorak finali sari katta qadam tashladi. Odatda yuqori sermahsullik ko‘rsatmaydigan yarim himoyachi Federiko Valverde bo‘lib o‘tgan uchrashuvda xet-trik muallifiga aylandi.
«Real» stadioniga jamoaning sobiq futbolchisi va murabbiyi Zinedin Zidan tashrif buyurdi. U Valverdening uchta goliga o‘z munosabatini bildirdi.
«Men Federiko Valverde uchun juda xursandman», — dedi Zidan. Uning so‘zlarini The Touchline nashri keltirmoqda.
«Real» navbatdagi o‘yinini shanba kuni, 14 martda o‘z maydonida Ispaniya chempionati doirasida «Elche»ga qarshi o‘tkazadi. «Santyago Bernabeu»dagi bahs Toshkent vaqti bilan tungi soat 01:00 da (yakshanbaga o‘tar kechasi) boshlanadi.
