Мадриднинг «Атлетико» клуби ҳужумчиси Хулиан Альварес келаётган ёзда «Барселона»га кўчиб ўтиши мумкин.
Аргентиналик футболчи ёзги трансфер ойнасида ҳужум чизиғини кучайтиришни режалаштираётган «кўк-анорранглилар» эътиборида қолмоқда. Журналист Фернандо Полонинг маълумотларига кўра, асосий муаммо ҳужумчининг нархи бўлиб турибди: «Барселона» бонуслар билан биргаликда 100 миллион евродан ортиқ маблағ таклиф қилишга тайёр эмас. «Матрасчилар»ни бундай шартлар қаноатлантириши амримаҳол, демак, футболчининг ўзи каталонияликлар сафига ўтиш учун фаол тарзда талаб қўйишига тўғри келиши мумкин.
Transfermarkt портали Хулиан Альвареснинг қийматини айнан 100 миллион еврога баҳоламоқда. Январь ойи охирида «Атлетико» ҳужум етакчиси 26 ёшни қарши олди.
