«Arsenal» ustozi Mikel Arteta unga va uning jamoasiga yo‘llanayotgan tanqidlar haqida gapirdi.
«Muxlislar o‘z fikrlarini bildirishga haqli. Ularning fikrlarini o‘zgartirishning yagona yo‘li bu muxlislarni g‘ururlantiradigan kuchli jamoani tayyorlashdir.
O‘ylaymanki, bizning yosh futbolchilarimiz aql bovar qilmaydigan salohiyatga ega. Biz ularni katta futbolga tayyorlashimiz kerak», - deya Artetaning so‘zlarini keltiradi London klubi rasmiy matbuot xizmati.
35 turdan keyin «Arsenal» APL turnir jadvalida to‘qqizinchi o‘rinda bormoqda.
Avvalroq, «kanonirlar» Yevropa Ligasining yarim finaliga chiqishga muvaffaq bo‘lishgan edi, biroq u yerda Arteta jamoasi «Vilyarreal»ga imkoniyatni boy berdi.
