Mavsum yakunlanishi bilan “Yuventus”ni tark etadigan Buffon bosh superklub darvozasini qo‘riqlaydigan bo‘ldi.
Ma’lumotlarga qaraganda, qariya darvozabon “Barselona” bilan muzokara o‘tkazmoqda va kelishuvni muvaffaqiyatli yakunlashga yaqin turibdi.
Albatta, kataloniyaliklar 43 yoshli Buffonga birinchi raqamni topshirib qo‘ymaydi. Ulkan tajriba egasi asosiy darvozabon Mark-Andre ter Shtegenning o‘rinbosari sifatida asosiy vaqtini zaxira o‘rindig‘ida o‘tkazishi kutilmoqda.
“Parma”da kamol topgan Buffon faoliyatning katta qismini “Yuventus”da o‘tkazdi. Orada PSJ sharafini ham himoya qildi. “Yuventus”dagi 683 ta uchrashuvdan 322 tasida o‘z darvozasi daxlsizligini saqlab qoldi.
