«Chelsi» himoyachisi Ris Jeyms «Arsenal»ga qarshi to‘qnashuvdan so‘ng o‘z fikrlarini bildirdi. 

«Biz qo‘pol xatoga yo‘l qo‘ydik, yaratilgan imkoniyatlarimizdan foydalana olmaganimiz uchun alamli tarzda jazolandik. G‘alaba qozonishimiz mumkin edi, ammo raqib darvozasi yonida bir nechta qulay imkoniyatlardan foydalana olmadik. Mag‘lubiyatda faqat o‘zimiz aybdormiz.

«Arsenal» yaxshi jamoa, ularning himoyasini buzish qiyin, garchi bizda gol urish uchun yaxshi imkoniyatlar bo‘lgan bo‘lsada.

Natija ancha alamli, ammo bu jamoamiz ruhiyatiga ta’sir qilmaydi. Biz keyingi har bir uchrashuvda g‘alaba uchun kurashishga qat’iy qaror qilganmiz ", - deydi Jeyms.