Londonning «Arsenal» klubi darvozaboni Kepa Arrisabalaga yozgi transfer oynasida jamoani tark etishga yaqin turibdi. Bu haqda jurnalist Aleks Kruk xabar bermoqda.

«Kanonirlar» 32 yoshli ispaniyalik posbon o‘rniga nomzod topib bo‘lishgan — David Rayyaning yangi o‘rinbosari sifatida Ilan Melye ko‘rilmoqda. Jamoaning yosh darvozaboni Tommi Setford esa tajriba to‘plashi uchun ijaraga berib yuborilishi kutilyapti.

Ma’lumot uchun: Kepa Arrisabalaga o‘tgan yilning yozida «Chelsi»dan qariyb 6 million yevro evaziga «Arsenal»ga o‘tgan edi. U yakunlangan mavsumda Mikel Arteta jamoasi safida 12 ta o‘yinda maydonga tushib, 12 ta gol o‘tkazib yubordi va 4 ta uchrashuvda darvozasi daxlsizligini saqlab qoldi.