Лондоннинг «Арсенал» клуби дарвозабони Кепа Аррисабалага ёзги трансфер ойнасида жамоани тарк этишга яқин турибди. Бу ҳақда журналист Алекс Крук хабар бермоқда.
«Канонирлар» 32 ёшли испаниялик посбон ўрнига номзод топиб бўлишган — Давид Райянинг янги ўринбосари сифатида Илан Мелье кўрилмоқда. Жамоанинг ёш дарвозабони Томми Сетфорд эса тажриба тўплаши учун ижарага бериб юборилиши кутиляпти.
Маълумот учун: Кепа Аррисабалага ўтган йилнинг ёзида «Челси»дан қарийб 6 миллион евро эвазига «Арсенал»га ўтган эди. У якунланган мавсумда Микель Артета жамоаси сафида 12 та ўйинда майдонга тушиб, 12 та гол ўтказиб юборди ва 4 та учрашувда дарвозаси дахлсизлигини сақлаб қолди.
