Misr terma jamoasi hujumchisi Mostafa Ziko JCH-2026 1/8 finalidan o‘rin olgan Argentinaga qarshi o‘yindagi (2:3) hakamlikni keskin qoraladi.
«Hakam birinchi daqiqadanoq mag‘lub bo‘lishimizni qat’iy maqsad qilgan edi. Biz Misr xalqini xursand qilishdan umidvor edik, lekin yakunda Argentinani jahon chempionatidagi g‘alaba bilan tabriklaymiz. Bu soxtalashtirilgan turnir va ularga endi qolgan o‘yinlarni o‘tkazishning ham hojati yo‘q.
Hakam butun bir millatning orzusini barbod qildi. U bizni nishonga oldi, chunki biz Argentinani mag‘lub etmasligimiz kerak edi. Buning uchun Xudo oldida javob bersin», – dedi Ziko.
Ushbu uchrashuvda fransiyalik Fransua Leteksye bosh hakamlik qilgan edi.
