Миср терма жамоаси ҳужумчиси Мостафа Зико ЖЧ-2026 1/8 финалидан ўрин олган Аргентинага қарши ўйиндаги (2:3) ҳакамликни кескин қоралади.
«Ҳакам биринчи дақиқаданоқ мағлуб бўлишимизни қатъий мақсад қилган эди. Биз Миср халқини хурсанд қилишдан умидвор эдик, лекин якунда Аргентинани жаҳон чемпионатидаги ғалаба билан табриклаймиз. Бу сохталаштирилган турнир ва уларга энди қолган ўйинларни ўтказишнинг ҳам ҳожати йўқ.
Ҳакам бутун бир миллатнинг орзусини барбод қилди. У бизни нишонга олди, чунки биз Аргентинани мағлуб этмаслигимиз керак эди. Бунинг учун Худо олдида жавоб берсин», – деди Зико.
Ушбу учрашувда франциялик Франсуа Летексье бош ҳакамлик қилган эди.
