Unga ko‘ra ikki vazn toifasida sobiq UFK chempioni Konor Makgregor birinchi o‘rinni egalladi. Irlandiyalik sportchi ilk marta 180 million dollar bilan reytingning eng yuqori pog‘onasiga loyiq ko‘rildi. Irlandiyalik jangchi bu summaning katta qismini (150 million) o‘z viski brendi sotilishidan ishlab olgan. MMA’da esa 32 yoshli jangchi 22 million dollar ishlab topgan.

Reytingning ikkinchi pog‘onasida “Barselona” hujumchisi Lionel Messi qayd etildi. Uning daromadi 130 million dollarni tashkil qildi. U shundan 97 millionini klubdagi maoshidan, qolgan 33 millioni esa homiylik shartnomalaridan olgan. Kuchli uchlikka “Yuventus” hujumchisi Krishtianu Ronaldu yakun yasab berdi — 120 million dollar.

Qayd etish joiz, reytingni tuzishda sportchilarning 2020-yilning 1-mayidan 2021-yil 1-mayigacha bo‘lgan muddatdagi daromadi hisobga olingan.

Forbes talqiniga ko‘ra dunyoning eng daromadli sportchilari o‘nligi (2020) quyidagicha ko‘rinish oldi:

1. Konor Makgregor (MMA) — 180 million dollar;

2. Lionel Messi (futbol) — 130;

3. Krishtianu Ronaldu (futbol) — 120;

4. Dak Preskot (amerikancha futbol) — 107,5;

5. Lebron Jeyms (basketbol) — 96,5;

6. Neymar (futbol) — 95;

7. Rojer Federer (tennis) — 90;

8. Lyuis Hemilton — (avtopoyga) — 82;

9. Tom Bredi (amerikancha futbol) — 76;

10. Kevin Dyurent (basketbol) — 75.