«RB Leypsig» himoyachisi Dayo Upamekano bir necha yil oldin «Manchester Yunayted»da qo‘nim topishi mumkinligini aytdi.
«Men juda yosh edim va shartnoma imzolashni orzu qilardim. «Manchester Yunayted»! Bu klub nomi juda ko‘p narsani anglatar edi, ammo men atigi 17 yoshda edim. Ota-onalar eng yaxshi maslahatgo‘ylar hisoblanishadi.
Ular menga shoshilish kerak emasligini aytishdi. Biz bu borada uzoq vaqt muhokama qildik va hozircha bunday keskin o‘zgarishlarni amalga oshirishning vaqti emas degan qarorga keldik», - deya Upamekanoning so‘zlarini keltiradi Athletic.
22 yoshli fransuz yozda «Bavariya» futbolchisiga aylanadi, Upamekanoning transferi Myunxen klubiga 42,5 million yevroga tushadi.
Joriy mavsumda himoyachi «RB Leypsig» tarkibida 38 o‘yin o‘tkazib, bitta gol urdi va bitta golli uzatmani amalga oshirdi.
