«РБ Лейпциг» ҳимоячиси Дайо Упамекано бир неча йил олдин «Манчестер Юнайтед»да қўним топиши мумкинлигини айтди.

«Мен жуда ёш эдим ва шартнома имзолашни орзу қилардим. «Манчестер Юнайтед»! Бу клуб номи жуда кўп нарсани англатар эди, аммо мен атиги 17 ёшда эдим. Ота-оналар энг яхши маслаҳатгўйлар ҳисобланишади.

Улар менга шошилиш керак эмаслигини айтишди. Биз бу борада узоқ вақт муҳокама қилдик ва ҳозирча бундай кескин ўзгаришларни амалга оширишнинг вақти эмас деган қарорга келдик», - дея Упамеканонинг сўзларини келтиради Athletic.

22 ёшли француз ёзда «Бавария» футболчисига айланади, Упамеканонинг трансфери Мюнхен клубига 42,5 миллион еврога тушади.

Жорий мавсумда ҳимоячи «РБ Лейпциг» таркибида 38 ўйин ўтказиб, битта гол урди ва битта голли узатмани амалга оширди.