Angliyaning «Manchester Yunayted» jamoasining sobiq bosh murabbiyi Aleks Fergyuson Ole Gunnar Sulsher haqida gapirdi. Fergining so‘zlariga ko‘ra, norvegiyalik murabbiy muxlislar ishonchi va umidlarini oqlamoqda.
«Sulsher yirik natijalarga erishmoqda. U o‘z ishini yaxshi ko‘radi va bajaradi. U shuningdek yosh futbolchilarga ham imkoniyat yaratyapti. Eng muhimi shu. «Manchester Yunayted» da ishlayotganingizda bu juda muhim.
Agar yosh yigitlar yetarlicha to‘liq formada bo‘lsa, ular maydonda ishonchingizni oqlashi mumkin. «Yunayted» bu borada hech qachon muammoga duch kelmagan", - deydi Fergyuson.
