Myunxenning "Bavariya" klubi Niderlandiyaning "Alkmar" klubi hujumchisi Miron Boadu uchun kurashga qo‘shildi, deb xabar berdi Sky Sport.
Manbaning xabariga ko‘ra, "Bavariya" vakillari 20 yoshli hujumchining agenti Mino Rayolaga transfer shartlarini muhokama qilish uchun murojaat qilishga tayyor. Qayd etilishicha, Boadu yozda 16,5 million yevroga sotib olinadi. Bunday holda, shaxsiy shartnoma shartlari keyinroq muhokama qilinadi.
Eslatib o‘tamiz, Mironning "AZ" klubi bilan amaldagi shartnomasi 2023-yilda nihoyasiga yetadi va bu mavsumda u jamoada 30 o‘yin o‘tkazib, 13ta gol urdi va 1ta golli uzatmani amalga oshirgan.