Мюнхеннинг "Бавария" клуби Нидерландиянинг "Алкмар" клуби ҳужумчиси Мирон Боаду учун курашга қўшилди, деб хабар берди Sky Sport.
Манбанинг хабарига кўра, "Бавария" вакиллари 20 ёшли ҳужумчининг агенти Мино Райолага трансфер шартларини муҳокама қилиш учун мурожаат қилишга тайёр. Қайд этилишича, Боаду ёзда 16,5 миллион еврога сотиб олинади. Бундай ҳолда, шахсий шартнома шартлари кейинроқ муҳокама қилинади.
Эслатиб ўтамиз, Мироннинг "АЗ" клуби билан амалдаги шартномаси 2023-йилда ниҳоясига етади ва бу мавсумда у жамоада 30 ўйин ўтказиб, 13та гол урди ва 1та голли узатмани амалга оширган.