«Бавария» ҳужумчиси Харри Кейн ўз клубида қолишга қарор қилди.
«Барселона» англиялик футболчига қизиқиш билдириб, унинг атрофидагилар билан боғланган эди, бироқ иш расмий таклифгача етиб бормади. Вазият яқин келажакда ўзгариши амримаҳол: Sport нашри тарқатган маълумотларга кўра, 32 ёшли футболчи мюнхенликлар билан шартномани узайтириш борасида тўхтамга келган. Агар кутилмаган режадан ташқари ҳолатлар юз бермаса, янги битим Жаҳон чемпионати якунига етганидан сўнг имзоланади.
Харри Кейн «Барселона» раҳбарияти томонидан «Атлетико» ҳужумчиси Хулиан Альварес трансфери муваффақиятсиз якунланган тақдирда муқобил вариант («план Б») сифатида кўрилаётган эди. Энди каталонияликлар трансфер бозорида бошқа номзодларни излашларига тўғри келади.
