Мадриднинг «Реал» клуби шу ёзда «Челси» ярим ҳимоячиси Энцо Фернандесни сотиб олмасликка қарор қилди.

Испания клуби қимматбаҳо аргентиналик футболчининг эҳтимолий трансфери ҳақидаги тинимсиз гап-сўзларга чек қўйиш мақсадида ҳатто расмий баёнот ҳам эълон қилди. Журналист Рамон Альвареснинг хабар беришича, «Реал» раҳбарияти ва мураббийлар штаби Фернандесни Федерико Вальверде ҳамда Жуд Беллингем билан тактик жиҳатдан мос келмайди, деб ҳисобламоқда. «Қаймоқранглилар» майдон марказидаги ўйинни айнан уругвайлик ва инглизлик футболчилар атрофида қуришни режалаштиришган.

Transfermarkt портали Энцо Фернандеснинг трансфер баҳосини 90 миллион еврога баҳолаган. Эслатиб ўтамиз, аввалроқ Мадрид гранди «Челси»нинг бошқа бир аъзоси — чап қанот ҳимоячиси Марк Кукурельяни ўз сафига қўшиб олган эди.