Turkiya chempionatida g‘olib so‘nggi turda aniqlandi. Peshqadam «Beshiktosh» safarda «Go‘ztepe»ni (2:1) mag‘lub etib, 4 yillik tanaffusdan so‘ng shohsupaga qaytdi.
E’tiborlisi, «Galatasaroy» «Beshiktosh» bilan bir xil ochko (84) jamg‘ardi, ammo o‘zaro o‘yinlar va to‘plar nisbatidagi ko‘rsatkich evaziga 2-o‘rinni egalladi.
Ushbu ikki jamoa kelasi mavsumda YECHLda, keyingi pog‘onalardan o‘rin olgan «Fenerbahche» va «Trabzonspor» esa UYEFA Konferensiyalar Ligasida ishtirok etishadi.
Turkiyaning o‘tgan yilgi chempioni «Istanbul» mavsumni 12-o‘rinda yakunladi.
