«Roma» bosh murabbiyi Paulu Fonseka Italiya chempionati doirasidagi «Lasio»ga qarshi o‘yindan (2:0) keyin o‘z fikrlarini bildirdi.
"Derbida g‘alaba qozonganimizdan qoniqish hosil qildim. Ushbu g‘alabani muxlislarimiz bilan bo‘lishishni istaymiz. Ular doim biz bilan bo‘lishdi va ularni ushbu sovg‘a bilan xursand qilishni juda xohlaymiz.
Yaxshi tayyorgarlik ko‘rdik, yigitlar diqqatni ushlab turishdi va «Lasio»ga o‘z uslubida o‘ynashga imkoniyat berishmadi. Bahs davomida muvozanatli o‘yin namoyish etdik", — dedi Fonseka.
