«Yuventus» himoyachisi Jorjyo Kyellini Italiya chempionati doirasidagi «Inter»ga qarshi bahsdan (3:2) keyin o‘z fikrini bildirdi.

"Qiyin jangda Italiyaning eng yaxshi jamoasidan ustun keldik. Mavsum davomida bizga yetishmagan jihat - jamoaviy o‘yin ko‘rsatdik. «Inter» futbolchilarini chempionlik bilan tabriklayman.

Hakamlik haiqda bir nima deya olmayman. Maydonda hammaning o‘z fikri bor, ammo biz hech narsani o‘g‘rilamadik.

Chorshanba kuni Italiya kubogi finalida o‘ynaymiz. Ushbu sovrin qanchalik muhim ekanligini bilamiz. Biz hali «Atalanta»ga o‘xshab Chempionlar Ligasi yo‘llanmasini qo‘lga kiritganimiz yo‘q.

Bu mavsum falokat emas, ammo barqarorlikda oqsadik. Chempionatda ketma-ket uchtadan ko‘p o‘yinda g‘alaba qozona olmadik", — dedi Kyellini.