«Ювентус» ҳимоячиси Жоржьо Кьеллини Италия чемпионати доирасидаги «Интер»га қарши баҳсдан (3:2) кейин ўз фикрини билдирди.

"Қийин жангда Италиянинг энг яхши жамоасидан устун келдик. Мавсум давомида бизга етишмаган жиҳат - жамоавий ўйин кўрсатдик. «Интер» футболчиларини чемпионлик билан табриклайман.

Ҳакамлик ҳаиқда бир нима дея олмайман. Майдонда ҳамманинг ўз фикри бор, аммо биз ҳеч нарсани ўғриламадик.

Чоршанба куни Италия кубоги финалида ўйнаймиз. Ушбу соврин қанчалик муҳим эканлигини биламиз. Биз ҳали «Аталанта»га ўхшаб Чемпионлар Лигаси йўлланмасини қўлга киритганимиз йўқ.

Бу мавсум фалокат эмас, аммо барқарорликда оқсадик. Чемпионатда кетма-кет учтадан кўп ўйинда ғалаба қозона олмадик", — деди Кьеллини.