Qatarning «As-Sadd» klubi bosh murabbiyi Xavi «Barselona»ni boshqarishi mumkinligi haqidagi gap-so‘zlarga javob qaytardi.

«Bu haqda hech narsadan xabarim yo‘q, ayni damda mehnat ta’tilidaman», - deya Xavining so‘zlarini keltirgan AS nashri.

Avvalroq, «Barselona» rahbariyati klub bosh murabbiyi Ronald Kumanni mavsum yakunida iste’foga chiqarmoqchi ekani, uning o‘rniga Xavi taklif etilishi va bu borada muzokara allaqachon boshlangani haqida xabar berilgandi.

Qayd etilishicha, Xavining Qatar klubi bilan tuzgan shartnomasiga ko‘ra, klub ispaniyalik murabbiyni faqatgina Kataloniya jamoasidan taklif tushsa, qo‘yib yuborishi belgilangan.

Eslatib o‘tamiz, «Barsa» La Liga 37-turida «Selta»ga mag‘lub bo‘lib, chempionlik uchun imkoniyatni yo‘qotdi.