Turinning «Yuventus» klubi bosh murabbiyi Andrea Pirlo «Atalanta» bilan kechadigan to‘qnashuv haqida o‘z taxminlari bilan o‘rtoqlashdi. Raqiblar Italiya kubogi finalida kurash olib borishadi.
«Yuqori tezlik va intensivlik "Atalanta" ishtirokidagi o‘yinlarga xosdir. O‘ylaymanki, bugun pragmatik va himoyaviy o‘yin bo‘lmaydi.
Bu Yevropaning top darajasidagi duel bo‘ladi. Biz tayyormiz. Raqibdan nima kutish kerakligini bilamiz. Finalda o‘ynashga loyiq edik va kubokni qo‘lga kiritishni xohlaymiz.
Gasperini "Atalanta"ni o‘zgartirdi, ularni Chempionlar Ligasining pley-off bosqichiga olib chiqdi, bu klubning yutug‘i butun Yevropa tomonidan qadrlandi.
Men faoliyatimni endi boshlayapman. Umid qilamanki, oldinda hali ko‘p finallar bor.
Bizning barcha hujumchilarimiz sog‘lom va yaxshi formada, imkoniyatlari yuqori. O‘yin oldidan kadrlar to‘g‘risida qaror qabul qilamiz. Bizga "Inter" bilan o‘yin ilhom beradi», - deydi Pirlo.
