Туриннинг «Ювентус» клуби бош мураббийи Андреа Пирло «Аталанта» билан кечадиган тўқнашув ҳақида ўз тахминлари билан ўртоқлашди. Рақиблар Италия кубоги финалида кураш олиб боришади.
«Юқори тезлик ва интенсивлик "Аталанта" иштирокидаги ўйинларга хосдир. Ўйлайманки, бугун прагматик ва ҳимоявий ўйин бўлмайди.
Бу Европанинг топ даражасидаги дуэль бўлади. Биз тайёрмиз. Рақибдан нима кутиш кераклигини биламиз. Финалда ўйнашга лойиқ эдик ва кубокни қўлга киритишни хоҳлаймиз.
Гасперини "Аталанта"ни ўзгартирди, уларни Чемпионлар Лигасининг плей-офф босқичига олиб чиқди, бу клубнинг ютуғи бутун Европа томонидан қадрланди.
Мен фаолиятимни энди бошлаяпман. Умид қиламанки, олдинда ҳали кўп финаллар бор.
Бизнинг барча ҳужумчиларимиз соғлом ва яхши формада, имкониятлари юқори. Ўйин олдидан кадрлар тўғрисида қарор қабул қиламиз. Бизга "Интер" билан ўйин илҳом беради», - дейди Пирло.
