Italiya matbuoti «Yuventus» hujumchisi Krishtianu Ronaldu o‘z mashinalari Turindan noma’lum yo‘nalishga olib ketishi sabablarini ma’lum qildi.

Oldinroq futbolchi o‘z mashinalarini Lissabonga ko‘chirayotgani to‘g‘risida xabarlar tarqagandi. Chunki Ronalduning «Sporting»ga o‘tishi mumkinligi haqida gap-so‘zlar yuribdi. Buning ustiga transportirovka bilan Lissabondagi tashkilotlardan biri shug‘ullangan.

Ronaldu oilasiga yaqin bo‘lganlarning xabar berishlaricha, Ronaldu hamisha ta’tildan oldin mashinalarini ko‘chirar ekan.

Gazzetta.it'ning ma’lum qilishicha, Ronaldu odatda mashinalarini turli nuqtalarga olib boradi. Jumladan Germaniyaga. U yerda texnik ko‘rikdan o‘tkazadi. O‘tgan yili pandemiya tufayli u ko‘chirishni amalga oshira olmagandi.