“Barselona” yetakchisi va sardori Lionel Messi Kataloniya klubidagi kelajagi haqida gapirdi.
- Men biror musobaqada qatnashsam, albatta, unda g‘olib chiqishni istayman. O‘z oldimga qo‘ygan maqsadlarimni amalga oshirish uchun borimni beraman. Sovrinlarni qo‘lga kiritish uchun hamma narsaga tayyorman. Ispaniya kubogini olganimiz hayotimda muhim burilish yasadi. Bu juda muhim sovrin. Men sovrinlarni yutishni yaxshi ko‘raman. Qancha ko‘p bo‘lsa, shuncha yaxshi, - dedi Lionel Messi.
Lionel Messining amaldagi shartnomasi bir oydan keyin yakuniga yetadi. Hali tomonlar hamkorlikni uzaytirgani yo‘q.
Biroq, ma’lumotlarga qaraganda, Serxio Aguero va Memfis Depay “Barselona”ga kelishga rozilik berganidan keyin Lionel Messi ham kataloniyaliklar safida qolishni o‘ylamoqda.
