Amerikalik jurnalist Jeyms Pirs «Liverpul» hujumchisi Muhammad Saloh hozirgi jamoasida qolishiga ishonch bildirdi.
Futbolchining «Liverpul» tarkibini tark etishi uchun zarur shartlar mavjud emas. Avvalroq Salohning PSJga o‘tishi bilan bog‘liq mish mishlar mavjud edi.
«Agar bu yozda «Liverpul»ning uchta hujumchisidan kamida bittasi ketadigan bo‘lsa, men bunga hayron bo‘lardim. Saloh haqida ko‘p gapirishmoqda, ammo hozir uning «Liverpul»ga bo‘lgan sadoqati juda katta ekanligiga shubha qilishimga asos yo‘q.
U bu mavsumni juda zo‘r o‘tkazdi. Haqiqatan ham klub uni qanday sotishi mumkinligini tushunmayapman», - deydi Pirs.
