Zlatan Ibragimovich UEFA intizomiy qoidalarini buzganligi uchun 50 ming yevro jarima to‘laydigan bo‘ldi. Bunga sabab futbolchi bukmekerlik kompaniyasi bilan hamkorlik qilgani bo‘lgan.
Bu haqda UEFA rasmiy sayti intizomiy qarorlar bo‘limida xabar beradi.
Avvalroq Zlatan Ibragimovich bukmeker idoralaridan biriga sheriklik qilgani ma’lum bo‘lgan edi.
Jarimadan tashqari UEFA Zlatan Ibragimovichni bukmekerlik idoralari bilan hamkorlik qilishni to‘xtatishga chaqirgandi.
Xuddi shu qoidabuzarlik uchun Ibragimovichning «Milan» jamoasi ham 25 ming yevro miqdorida jarimaga tortildi.