Hozir PSJni boshqarayotgan Maurisio Pochettino «Tottenxem»ga qaytishi mumkin.

The Athletic xabariga ko‘ra, London klubi argentinalik mutaxassis bilan muzokaralar olib bormoqda.

Murabbiyni «Tottenxem»ga qaytish fikri ta’qib qilmoqda, u Parijda o‘zini unchalik ham qulay his etmayapti. «Shporlar» prezidenti Daniyel Levi 49 yoshli murabbiyning jamoaga qaytishi tarafdoridir, chunki u muxlislar bilan yaxshi munosabat o‘rnatmoqchi.

Pochettinoning PSJ bilan shartnomasi yana bir yilga mo‘ljallangan. Agar Pochettino «Tottenxem»ga qaytishga qaror qilsa, u holda PSJ bilan shartnomasini buzishi kerak bo‘ladi.

Pochettino Yevropaning top-klubi bilan ishlash imkoniyatidan mamnun edi, ammo endi u PSJdagi roli «Tottenxem»nikidan ancha past ekanligini tushundi. U o‘zidan oldinroq PSJda ishlagan Tomas Tuxel kabi klubning ichki muammolariga duch keldi.

Shu sababli ham argentinalik mutaxassis «Tottenhem»ga qaytish variantini jiddiy ko‘rib chiqmoqda. Murabbiy londonlik muxlislari uni hali ham juda yaxshi ko‘rishlarini biladi va mutaxassisning o‘zi Premyer-ligada ishlashni xohlaydi.

Ma’lumot uchun, yanvar oyida PSJni boshqargan Pochettino jamoa bilan Fransiya kubogi va superkubogini yutgan.