Chempionlar Ligasi final hakami Mateu Laos ushbu lavozimga tayinlanganidan so‘ng o‘z hissiyotlari bilan o‘rtoqlashdi.

«Rostini aytsam, bir kun kelib Chempionlar Ligasi finalida hakamlik qilaman deb xayolimga ham keltirmaganman. To‘g‘risini aytganda, boshqa oila a’zolarim futbolni yoqtirmaydilar, ammo hakam bo‘lishimga turtki bo‘lgan akam menga katta ta’sir ko‘rsatdi.

Onam bizning «oilaviy jamoamiz»ning sardori. U mening uchrashuvlarimni diqqat bilan kuzatib boradi, agar meni uchrashuv oldidan jilmayganimni ko‘rsa, u xursand va har doim final hushtagidan keyin yuzimga qaraydi.

Men o‘zimni oilam tomonidan qo‘llab-quvvatlanayotganimni his qilaman va bu menga muhim muvozanatni saqlashga yordam beradi. Hakamlik qilish men uchun baxt.

Menimcha, professional hakam bo‘lishning asosiy kaliti har doim o‘zingiz bo‘lishingiz kerak. Uchrashuvni boshqarganingizda, siz turli xil shaxslar uchun javobgarlikni o‘z zimmangizga olasiz.

Siz o‘yinning bir qismisiz, sizning vazifangizning bir qismi esa futbolchilar va murabbiylarga yordam berishdir. Agar siz buni uddalay olsangiz, ularni tinchlantirishga muvaffaq bo‘lasiz, birgalikda muloqot qilishingiz mumkin va qaror qabul qilish ancha osonlashadi», - deya Laosning so‘zlarini keltiradi UYEFA matbuot xizmati.