Madridning «Real» klubi «Bavariya» hamda Fransiya terma jamoasi qanot hujumchisi Maykl Oliseni sotib olish niyatida qat’iy turibdi, deya xabar bermoqda El Nacional X ijtimoiy tarmog‘ida. «Qaymoqranglilar» rahbariyati fransuz uchun beriladigan taklifni bonuslar bilan birga 213 million yevrogacha oshirishga tayyor.

Ushbu transferni moliyalashtirish va tarkibni qayta qurish maqsadida Madrid klubi rahbariyati uch nafar futbolchisi bilan xayrlashishga rozi. Ta’kidlanishicha, «Real» Eduardu Kamavinga, Alvaro Karreras va Din Xyoysenni transferga qo‘yishni rejalashtirmoqda. Ushbu o‘yinchilarning sotuvi Olisening xaridi uchun sarflanadigan xarajatlarni qoplashi kerak.

O‘tgan 2025/2026 yilgi mavsumda Maykl Olise barcha turnirlarda 52 ta uchrashuvda maydonga tushib, 22 ta gol urdi va 31 ta golli uzatmani amalga oshirdi.