"Barselona" prezidenti Joan Laporta Yevropa Superligasi loyihasi haqida gapirdi.
«Men "Barsa"ga kelganimda, ushbu loyiha allaqachon shakllanib bo‘lgan edi. O‘sha paytda Superliga tarkibida 11 klub bor edi. Ushbu ligada eng yaxshi jamoalar ishtiroki ko‘zda tutilganligi sababli, "Barselona" rahbariyati ham mazkur loyihani qo‘llab quvvatlashga qaror qildi.
Men klubga yaqinda kelganim sababli, bir hafta ichida hamma narsani tahlil qildik va o‘z roziligimizni berdik.
Bizning pozisiyamiz aniq: Klublar qiynaladigan futbolda bir nechta hal qilinmagan muammolar mavjud."Barsa"ning maqsadi esa barcha muammolarni yechish.
Hozirda vaziyatda esa gigant klublar aziyat chekmoqda, ammo bu muammolar kichikroq klublarga ham ta’sir qiladi. Ayni paytdagi eng to‘g‘ri yo‘l UYEFA, FIFA va La Liga rahbarlari bilan suhbatlashib olish», - dedi Laporta.