"Kalyari" yarim himoyachi Raja Nainggolanni "Inter"dan sotib olishni rejalashtirmoqda, deya xabar beradi jurnalist Nikolo Skira. Manbaning xabariga ko‘ra, klublar allaqachon transfer borasida muzokarni boshlab yuborishgan. Xabar qilinishicha, "Inter" 33 yoshli belgiyalik bilan taxminan 5-6 million yevro evaziga xayrlashishga tayyor.
2020/21-yilgi mavsumda Nainggolan "Kalyari"da ijara asosida o‘ynadi. Futbolchi yakunlangan mavsum jamoa bilan 22 ta uchrashuv o‘tkazib bitta golga mualliflik qildi Transfermarkt sayti Nainggolanning qiymatini 6 million yevroga baholamoqda. Futbolchining "Inter" bilan shartnomasi 2022-yilning iyun oyi oxirigacha amal qiladi.