"Кальяри" ярим ҳимоячи Ража Наингголанни "Интер"дан сотиб олишни режалаштирмоқда, дея хабар беради журналист Николо Скира. Манбанинг хабарига кўра, клублар аллақачон трансфер борасида музокарни бошлаб юборишган. Хабар қилинишича, "Интер" 33 ёшли белгиялик билан тахминан 5-6 миллион евро эвазига хайрлашишга тайёр.
2020/21-йилги мавсумда Наингголан "Кальяри"да ижара асосида ўйнади. Футболчи якунланган мавсум жамоа билан 22 та учрашув ўтказиб битта голга муаллифлик қилди Трансфермаркт сайти Наингголаннинг қийматини 6 миллион еврога баҳоламоқда. Футболчининг "Интер" билан шартномаси 2022-йилнинг июн ойи охиригача амал қилади.
