“Manchester Yunayted”ning keyingi yillardagi eng nozik nuqtasi darvoza chizig‘i bo‘lib turibdi. Uzoq yillardan beri ishonchli o‘yin namoyish qilib kelgan David de Xeaning o‘yinida keskin pasayish davom etmoqda.

Din Xendersonga tajriba yetishmayapti va u ham muhim pallalarda xatoga yo‘l qo‘ymoqda. Shu bois, Ulu-Gunnar Sulsher darvozani “Milan”dan ketgan Janluiji Donnarummaga topshirishni rejalashtirmoqda.

Hozir erkin agent bo‘lib turgan italiyalik posbonga Yevropaning bir qator grandlari shartnoma taklif qilmoqda.

“Manchester Yunayted” rahbariyati katta tajribaga ega 22 yoshli darvozabonga uzoq muddatli shartnoma va yiliga 10 million yevro taqdim qilmoqchi. Bundan tashqari, inglizlar futbolchining agenti Mino Rayolaga 20 million yevro miqdorida gonorar to‘lashga rozi.

Donnarumma yakunlangan mavsumda A Seriyada 37 ta uchrashuvda maydonga tushib, shulardan 13 tasida o‘z darvozasi daxlsizligini saqlab qoldi.