“Манчестер Юнайтед”нинг кейинги йиллардаги энг нозик нуқтаси дарвоза чизиғи бўлиб турибди. Узоқ йиллардан бери ишончли ўйин намойиш қилиб келган Давид де Хеанинг ўйинида кескин пасайиш давом этмоқда.

Дин Хендерсонга тажриба етишмаяпти ва у ҳам муҳим паллаларда хатога йўл қўймоқда. Шу боис, Улу-Гуннар Сульшер дарвозани “Милан”дан кетган Жанлуижи Доннаруммага топширишни режалаштирмоқда.

Ҳозир эркин агент бўлиб турган италиялик посбонга Европанинг бир қатор грандлари шартнома таклиф қилмоқда.

“Манчестер Юнайтед” раҳбарияти катта тажрибага эга 22 ёшли дарвозабонга узоқ муддатли шартнома ва йилига 10 миллион евро тақдим қилмоқчи. Бундан ташқари, инглизлар футболчининг агенти Мино Райолага 20 миллион евро миқдорида гонорар тўлашга рози.

Доннарумма якунланган мавсумда А Серияда 37 та учрашувда майдонга тушиб, шулардан 13 тасида ўз дарвозаси дахлсизлигини сақлаб қолди.