Bugun Milliy matbuot markazida 23-31 may kunlari poytaxtimizda o‘tgan og‘ir atletika bo‘yicha yoshlar o‘rtasidagi JCH sarhisobiga bag‘ishlangan matbuot anjumani bo‘lib o‘tdi.
Unda O‘zbekiston og‘ir atletika federasiyasi raisining birinchi o‘rinbosari, Osiyo og‘ir atletika federasiyasi vise-prezidenti Shahrullo Mahmudov, og‘ir atletika bo‘yicha O‘zbekiston terma jamoasi bosh murabbiyi Bahrom Mendiboyev, MOQ vakillari va OAV xodimlari ishtirok etishdi.
Tadbir davomida mutasaddilar ortda qolgan musobaqa xulosalari, oldinga qo‘yilgan rejalar, Tokio-2020 Olimpiya o‘yinlariga olib borilayotgan tayyorgarlik bo‘yicha batafsil gapirib o‘tishdi.
