OFK Football Australia tomonidan "Sidney", "Melburn Siti" va "Brisben Roar" jamoalarining Osiyo Chempionlar Ligasi 2021 yilgi mavsum guruh va pley-off bosqichlarida ishtirok etmasligini tasdiqladi.
Endi bu masala OFKning tegishli qo‘mitalariga yuboriladi va qaror o‘z vaqtida ma’lum qilinadi.
Jurnalist Alisher Nikimbayevning yozishicha, pandemiya bilan bog‘liq ichki cheklovlar tufayli A-Liganing hal qiluvchi o‘yinlari iyun oyi ikkinchi yarmiga qoldirildi. Milliy chempionatdagi kurash va Chempionlar Ligasida ishtirok etish variantidan avstraliyaliklar birinchisini tanlashdi.
Eslatib o‘tamiz, "H" guruhidan o‘rin olgan "Sidney" jamoasi Toshkent mezbonlik qiladigan guruh o‘yinlarida ishtirok etishi kerak edi.
