ОФК Football Australia томонидан "Сидней", "Мельбурн Сити" ва "Брисбен Роар" жамоаларининг Осиё Чемпионлар Лигаси 2021 йилги мавсум гуруҳ ва плей-офф босқичларида иштирок этмаслигини тасдиқлади.
Энди бу масала ОФКнинг тегишли қўмиталарига юборилади ва қарор ўз вақтида маълум қилинади.
Журналист Алишер Никимбаевнинг ёзишича, пандемия билан боғлиқ ички чекловлар туфайли А-Лиганинг ҳал қилувчи ўйинлари июнь ойи иккинчи ярмига қолдирилди. Миллий чемпионатдаги кураш ва Чемпионлар Лигасида иштирок этиш вариантидан австралияликлар биринчисини танлашди.
Эслатиб ўтамиз, "H" гуруҳидан ўрин олган "Сидней" жамоаси Тошкент мезбонлик қиладиган гуруҳ ўйинларида иштирок этиши керак эди.
