Angliyaning «Manchester Yunayted» klubi egalari hisoblangan Gleyzerlar oilasi vakili va klub ijrochi direktori o‘rinbosari Joel Gleyzer muxlislarning so‘nggi paytlarda avj olgan noroziliklari borasida fikr bildirdi.
«Klub egalari sifatida biz ham muxlislar bilan bir xil narsani xohlaymiz – muvaffaqiyatli va kuchli jamoa. Va biz bu yo‘lda hamkorlikda ishlashni davom ettirishni istaymiz», - dedi Gleyzer.
Avvalroq, muxlislar Gleyzerlarning klubdan ketishini so‘rab namoyishlar o‘tkazgan va hatto Premyer-liga doirasidagi «Liverpul»ga qarshi bahsning bo‘lib o‘tishiga halal berishgandi.
