Англиянинг «Манчестер Юнайтед» клуби эгалари ҳисобланган Глейзерлар оиласи вакили ва клуб ижрочи директори ўринбосари Жоэль Глейзер мухлисларнинг сўнгги пайтларда авж олган норозиликлари борасида фикр билдирди.
«Клуб эгалари сифатида биз ҳам мухлислар билан бир хил нарсани хоҳлаймиз – муваффақиятли ва кучли жамоа. Ва биз бу йўлда ҳамкорликда ишлашни давом эттиришни истаймиз», - деди Глейзер.
Аввалроқ, мухлислар Глейзерларнинг клубдан кетишини сўраб намойишлар ўтказган ва ҳатто Премьер-лига доирасидаги «Ливерпуль»га қарши баҳснинг бўлиб ўтишига ҳалал беришганди.
