Madridning «Real» klubi yangi bosh murabbiyi Karlo Anchelotti yangi ish joyidagi vazifalari haqida gapirdi.
«Men bu yerga qaytib kelganimdan juda xursandman. Bu yerda o‘tkazgan vaqtim haqida ajoyib xotiralarim bor. Shu ikki yil ichida biz katta yutuqlarga erishdik. Men juda xursandman va «Real»ni eng yuqori darajaga ko‘tarilishiga yordam berish uchun bor kuchimni sarflayman.
Men barcha futbolchilarni qo‘llab-quvvatlamoqchiman va ularga eng yaxshi narsalarni taklif qilmoqchiman. Bu yerda hamma mashg‘ulot olib borishi va dunyoning eng yaxshi jamoasida o‘ynashi kerak.
Bu har birimiz qabul qilishimiz kerak bo‘lgan mas’uliyatdir. Ushbu klubda biz hujumkor, hayajonli va sifatli futbol namoyish etishimiz kerak», - deya Anchelottining so‘zlarini keltirmoqda Madrid klubi rasmiy sayti.
