Londonning «Arsenal» klubi sobiq bosh murabbiyi Arsen Venger Yevropa chempionati oldidan turnirning asosiy favoritini ko‘rsatdi.
«Fransiya — superfavorit. Bu so‘zlar bu jamoaning kuchini to‘liq ifodalay olmaydi, hatto. Fransiya – amaldagi jahon chempioni. Bu jamoa tarkibida Kante, Pogba, Benzema, Grizmann, Koman, Jiru va Dembele bor. Tarkibning yarmini hali aytmadim.
Didye Desham qo‘l ostidagi zaxira o‘rindig‘ida dunyoning istalgan jamoasida asosiy tarkibda o‘ynay oladigan yana 11 nafar futbolchi bor. Fransiya – chempion, bu jamoa hali endi o‘zining eng cho‘qqisiga chiqadi», — deya Vengerning so‘zlarini keltirmoqda Sky Sports.
Ma’lumot uchun, Fransiya guruhdan chiqish uchun Germaniya, Vengriya va Portugaliya milliy jamoalari bilan kurash olib boradi.
