Лондоннинг «Арсенал» клуби собиқ бош мураббийи Арсен Венгер Европа чемпионати олдидан турнирнинг асосий фаворитини кўрсатди.

«Франция — суперфаворит. Бу сўзлар бу жамоанинг кучини тўлиқ ифодалай олмайди, ҳатто. Франция – амалдаги жаҳон чемпиони. Бу жамоа таркибида Канте, Погба, Бензема, Гризманн, Коман, Жиру ва Дембеле бор. Таркибнинг ярмини ҳали айтмадим.

Дидье Дешам қўл остидаги захира ўриндиғида дунёнинг исталган жамоасида асосий таркибда ўйнай оладиган яна 11 нафар футболчи бор. Франция – чемпион, бу жамоа ҳали энди ўзининг энг чўққисига чиқади», — дея Венгернинг сўзларини келтирмоқда Sky Sports.

Маълумот учун, Франция гуруҳдан чиқиш учун Германия, Венгрия ва Португалия миллий жамоалари билан кураш олиб боради.