Joze Mourinyo Jek Grilishning o‘yinini tomosha qilayotganida birinchi bo‘lib kim yodiga tushishini aytib berdi.
"Roma" ustozi "Aston Villa" sardori va Angliya futbolchisini afsonaviy portugaliyalik futbolchi Luish Figu bilan taqqosladi.
«Grilishning terma jamoadagi mavqeyi o‘zgarmas ko‘rinadi. U yarim himoyada chap tomonda o‘ynashda eng zo‘r. Bu uning uchun maydondagi maqbul rol. Grilish ajoyib imkoniyatlar yaratishni biladi. Qaysidir ma’noda u menga Luish Figuni eslatadi.
Menga yarim himoyachining qanday qilib maydon bo‘ylab harakatlanishi yoqadi. Men uning o‘yinidan mamnunman», - dedi Joze Mourinyo.
