"Manchester Siti" Angliya terma jamoasi hujumchisi Raxim Sterling bilan hamkorlikni uzaytirishga tayyor.
Manbaga ko‘ra, "shaharliklar" rahbariyati 26 yoshli futbolchiga futbol bo‘yicha Yevropa chempionati yakunlangandan so‘ng darhol yangi shartnoma taklif qiladi.
Oldinroq Sterling endi "Man Siti" bosh murabbiyi Xosep Gvardiolaning rejalariga kiritilmaganligi haqida xabar berilgan edi. Boshqa manbalarga ko‘ra, bu ma’lumot haqiqat emas. Futbolchi Gvardiolani zarurligiga, xususan, Yevro-2020 turniridagi o‘yinlari bilan ishontirdi. Shunday qilib, Sterling 1-turda Xorvatiya bilan o‘yinda (1:0) gol urdi va uchrashuvning eng yaxshi futbolchisi deb topildi.
Sterlingning "Siti" bilan amaldagi shartnomasi 2023 yil 30 iyungacha mo‘ljallangan. Yakunlangan mavsumda angliyalik 49 uchrashuvda 14 ta gol urdi va 12 ta golli pas berdi.
